Koparnettet vert lagd ned

Har du internett over telenettet? Koparnettet kan ikkje lenger møta kravet vårt til fart, kapasitet og stabilitet. Og det er sårbart for feil. Telenor er difor i gang med å fasa ut dei gamle telefonkablane og har bestemt at koparnettet over heile landet skal vera utkopla innan utgangen av 2022. Det betyr at når sentralen din vert utfasa kan du ikkje lenger få internett og fasttelefon via telenettet.

Vil du ha internett over fiber? Svært mange i vårt område har tilgang på fibernett og dei fleste i utbygde område har valt å kopla seg til. Nokon har likevel utsett dette fordi det gamle adsl-tilbodet har vore greitt nok. Dette blir det slutt på og desse må no finne seg ei anna løysing. Du kan sjekke her om di adresse har fått etablert fibertilbod. Viss ikkje kan du registrere interessemelding eller ta kontakt med oss.